Пратеникот од ВМРО- ДПМНЕ, Влатко Ѓорчев кој цели  14 години беше дел од политиката сега реши да се повлече. Ѓорчев кој имаше пет мандати како народен избраник за прв пат годинава ќе почувствува како е да не биде пратеник.

Ова стана  јасно откако вчера најголемата македонска партија ВМРО-ДПМНЕ ги објави  кандидатски листи  за предвремените парламентарни избори на 12 април а на кои тој не беше посочен.

– Огромна благодарност што бев пратеник. Желба за успех до новите пратеници.
Да живее Македонија! Да живее ВМРО-ДПМНЕ!, објави Ѓорчев доцна синоќа.

Покрај Ѓорчев, на листите не се најдоа и други познати пратеници како Илија Димовски и Даниела Рангелова, но засега од нивна страна нема експлицитни реакции.

Досегашни активности на Ѓорчев во Собранието

• Комисија за одбрана и безбедност, претседател
• Комисија за надворешна политика, член
• Комисија за образование, наука и спорт, заменик-член
• Комисија за деловнички и мандатно-имунитетни прашања, член
• Делегација на Собранието на Република Македонија во Парламентарното Собрание на Организацијата за безбедност и соработка во Европа, член
• Делегација на Собранието на Република Македонија во парламентарниот комитет за стабилизација и асоцијација (Мешовит парламентарен комитет ЕУ – Република Македонија), заменик-член
• Пратеничка група на Собранието на Република Македонија за соработка со Парламентот на САД, претседател
• Пратеничка група на Собранието на Република Македонија за соработка со Парламентот на Австралија, член
• Пратеничка група на Собранието на Република Македонија за соработка со Парламентот на Сојузна Република Германија, член