Доктор Арбен Аголи од Дебар на социјалните мрежи објави дека персоналот е заразен со коронавирус и дека затоа амбулантата ќе биде две недели под карантин.
Три нови позитивни случаи со коронавирус. Се работи за двајца сопружници од Скопје кои се вратиле од Бугарија и еден скопјанец кој имал гости од Србија.
-До денеска до 12 часот вкупно во земјава има регистрирано 26 заболени пациенти, рече на денешната прес конференција министерот Филипче.
Околу 200 луѓе кои синоќа беа заглавени на унгарско -српската граница се на пат за Македонија со организиран превоз и се очекуваат преку граничниот премин Деве Баир.
Тие работеле во ризичните региони во Италија и дел во Австрија. Сите ќе бидат сместени во касарната во Пепелиште во групна изолација, соопшти министерот Венко Филипче.
„Тие ќе одат во групен карантин во касарната во Пепелиште, каде ќе имаат лекарски тим, ќе им биде направена проверка, ќе биде обезбедена храна и се што е потребно, изјави министерот Филипче на денешната прес конференција.
Очекувано е да бројот на заболени се зголемува. Затоа е најважно да се спречи локалната трасмисија за да застанеме на патот на ширењето. Министерот за Здравство Венко Филипче упати апел до граѓаните:
„Не се собирајте, останете дома, ограничете го движењето, не контактирајте со луѓето, држете дистанца, одржувајте лична хигиена миење на рацете 20 до 30 секунди. Сериозно да пристапиме, ова не е шега,
Единствен начин е да се однесуваме одговорно. Мерките ќе ги заоструваме. Нека седат дома децата, хроничните болни. Мора да го заштитиме нашиот здравствен систем заразата се шири и таму, важно е да немаме остар пик. Подготвени сме со опрема кадар. Сакаме да ги заштитиме и здравствените работници, тие се столбот на овој здравствениот систем тие се главните даватели на услуги“, рече Филипче.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.