Тетовските средношколци денес на протести со едноставно барање, сакаат да дишат чист воздух, општинската управа со молк за вчерашниот инцидент.

Вчера средношколците во Тетово беа затварани по школите да не излегуваат на протести.

Ингеренциите на основното и средното образование ги има директно локалната самоуправа, па индикативно е зошто сеуште никој не ја запрашал градоначалничката Теута Арифи како го дозволила инцидентот.

Воедно на обвинувања не се огласуваат ни од министерството за образование и наука ни од државниот просветен инспекторат. На сите раководни функции се исти партиски карди од ДУИ.

Денес Тетово протестира за чист воздух. Средношколците и покрај затворени врати и притисоците во тетовските училишта излегоа на протест.

Утринава во 8 часот пред општината Тетово протестираа средношколците поради енормната загаденост на градот и непревземањето на никакви мерки од страна на надлежните институции.

Средношколците се собраа на протест на плоштадот во знак на револт поради долготрајното загадување на воздухот и зголемената смртност, а потоа маршираа се до зградата на општината.

Тие наведуваат дека одлучиле да протестираат поради показателите од научно истражување дека во Тетово 38 проценти од смртните случаи се поради загаден воздух, додека низ Македонија просек е 22 отсто.