Како што се очекуваше, предлог законот за амнестија на лицата осомничени, обвинети и осудени за настаните од 27 април 2017 година, поднесен од опозициската ВМРО-ДПМНЕ, не го доби потребното мнозинство да биде ставен на дневен ред на 66. пленарна собраниска седница. Наспроти тоа Заев и актуелната Влада по секоја цена сакаат да го турнат законот за Амнестија кој ќе има уценувачки карактер.

Пратеничката Невенка Стаменковска од ВМРО-ДПМНЕ истакна  дека со овој предлог закон се опфатени сите лица за кои веќе има донесено првостепена судска одлука, но сè уште ја немаат добиено одлуката од судот, потоа лицата кои се гонат за терористичко загрозување на уставниот поредок на РМ како и лицата кои се опфатени со обвиненија за учество во толпа и слично.

 Законот предвидува вистинско национално помирување за сите кои учествувале во настаните од 27 април, а не селективно помирување како што сакаат да направат премиерот Заев и парламентарното мнозинство преку т.н Комисија за помирување… Игор Дурловски, Владо Јовановски, Борис Дамовски не се и не можат во никој случај да бидат терористи, ниту вработените во МВР… Целта на законот е национално помирување и враќање на нормалните теркови во државата. Ги повикуваме сите пратеници од парламентарното мнозинство да дадат поддршка за законот за амнестија, конечно да завршат поделбите во македонското општество и да ја вратиме државата во нормална насока и да се концетрираме на вистинските проблеми кои ги мачат граѓаните, рече Стаменковска.

Сака ли Владата на Зоран Заев сака законите за придонеси од социјалното осигурување , законот за јавни набавки како и законот на личен доход да ги протне на мала врата

Не беше прифатен ниту предлогот на Никола Мицевски новиот координатор на пратеничката група на ВМРО-ДПМНЕ за повлекување на Законот за данокот на личен доход и Законот за придонеси од заедничко социјално осигурување, по скратена постапка.

Тој рече дека иако ветила транспарентна и отворена постапка Владата сака овие закони да ги протне на мала врата.
Меѓу другите точки на оваа седница се и изменетиот предлог закон за изменување и дополнување на Законот за ветеринарно-медицински препарати во второ читање,

Предлог законот за јавните набавки, како и измени и дополнувања на Законот за лековите и медицинските средства, на Законот за здравствената заштита, на Законот за ученичкиот стандард и на Законот за возила, сите во прво читање.