Критиките кон Новак Ѓоковиќ продолжува по организирањето на Адрија Тур, а последната доаѓа од Австралија.

Поранешниот тенисер Сем Грот го повика првиот светски тенисер да си поднесе оставка како претседател на Советот на играчи во Белград и Задар.

Во колумната за „Хералд сан“,Грот беше многу суров кон Новак во неколку наврати, како што  правеше и претходно.

„Новак Ѓоковиќ мора да си замине. Неговата позиција како претседател на Советот на играчи е смешна. Тој треба да си даде оставка. Дали сакате таа личност да ве води? За што ли размислуваше? Кој по ѓаволите го советува?“ пишува Гротото во колумната.

Грот отиде чекор подалеку велејќи дека српскиот ас „сторил се за да ја загрози можноста за враќање на тенисот, со организирање на турнејата Адрија“.

„Додека играчите и службениците ширум светот прават се што е во нивна моќ да го вратат нашиот спорт и да започнат со тренинзи и натпревари среде глобална пандемија, светскиот рекет број еден бележи танцување, дружење и гушкање со луѓето и со тоа директно кршење на сите светски упатства за здравје“.

Тој му замери на Новак и  за тоа што не присуствуваше на конференцијата „Зум“, на која учествуваа 400 други играчи.

“Додека Новак танцуваше и се дружеше со пријателите, многу други играчи беа на разговор обидувајќи се да ја развијат логистиката за рестартирање на турнејата. Ми беше кажано дека Новак не бил ниту на тој настан. Како  претседателот на Советот не е таму? Тоа не е лидерство.” рече Грот, а потоа продолжи.

„Неговата единствена опција е да си даде оставка. Играчите губат доверба во него“, истакна Австралиецот.

Иако Новак се извини, свесно признавајќи одредени грешки на турнејата Адрија, Грот смета дека тоа не ги компензира неговите постапки.

„Тој е одговорен. Многу луѓе беа позитивни како резултат на неговиот настан. Не ми е грижа дали тој се извинил или донирал пари во болниците. Јасно е дека здравјето на луѓето не било земено предвид. Тој морал да даде пример и сè што направил сè уште има последици “.