Политичката партија БЕСА на Билал Касами има четири барања кои се веќе доставени до СДСМ и ДУИ, при што чекаат Владата да изнајде начин да ги преточи во уставни амандмани.

Од партијата засега се цврсти во уверувањето дека без усвојувањето на нивните амандмани нема да гласаат за уставните измени и инкорпорирање на Преспанскиот договор во уставот.

БЕСА која има соработка со Алијансата за Албанците има четири барања, додека Алијансата најави четири свои.

БЕСА бара:

1. Во делот на преамбулата, предлогот што беше одобрен од страна на потписниците на Охридскиот договор од 2001 година, каде што Македонија ги дефинираше како еднакви сите нејзини граѓани, да биде вметнат во текстот.

2. На целата територија на Македонија и во меѓународните односи, службен јазик да биде македонскиот јазик и кирилицата и албанскиот јазик и неговата азбука.

3. Македонија да се грижи за сите нејзини граѓани што живеат надвор од територијата на Република Македонија, а не само за македонското население, додека другите етнички групи се генерализираат во “други граѓани”.

4. Да не му се дозволи на претседателот на државата да ги блокира по втор пат законите во Собранието, со што навремено, по второ гласање, а не со декрет на претседателот на Републиката, одобрениот закон ќе се објави само со потпишување на Претседателот на Собранието.