Освен аплаузите за Претседателот Иванов и исвиркувањето на владината делегација – денес во Крушево се случил и мал инцидент со Љубе Бошковски специјален советникот на Премиерот Заев за странски инвестиции.
Имено после чествувањето на Илинден на Мечкин Камен за каде и има видео запис дека Бошковски беше пречекан со исвиркување – најголемиот дел од владините функционери тргнале кон хотелот “Монтана” на ручек.
Пред хотелот имало и голема врвулица народ – кој пешки – кој со коли – кои оделе кон градот Крушево. Според очевидец кој ни го пренесе настанот – кога еден човек со голф со прилепски регистарски таблички го здогледал “Брат” Љубе како излегува од владиното возило пред хотелот – почнал да му довикува: “Уааа Љубе – уааа предавник – за колку им се продаде на овие што те испратија во Хаг”.
Бошкоски не издржал на провокациите – видно изнервиран тргнал кон граѓанинот да се пресметува. Кога стигнал до возачкиот прозорец на голфот почнале жестоко да се караат – да си упатуваат пцовки и навреди – а за кратко кавгата кулминирала и во меѓусебна размена на по 3 – 4 тупаници.
Љубе го удрил возачот на голфот – но и тој не останал покус – го повлекол Љубе за сакото кон колата и му удрил неколку бокса во лицето и вратот. За да не настане поголем инцидент се погрижиле еден човек од придружбата на Љубе – како и совозачот на прилепчанецот – кои ги тргнале двајцата на страна – ги раздвоиле – по што Бошковски влегол во хотелот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.