Британскиот министер за здравство Мет Хенкок изјави дека вакцината Фајзер и Бајонтек ќе ја прими во живо во емисијата „Добро утро, Британија“, заедно со водителот Пирс Морган.

Во утринските вести, Ханкок зборуваше за фактот дека вакцината Фајзер и Бајонтек е одобрена за употреба во Велика Британија.

Вакцинацијата може да започне за неколку дена за луѓе од групи со висок приоритет. Велика Британија веќе нарача 40 милиони дози, а првите дози ќе пристигнат во Велика Британија во наредните денови.

Сепак, многумина се загрижени за безбедноста на вакцината, бидејќи сметаат дека е создадена за краток временски период и изјавија дека не сакаат да ја примат, иако владини претставници тврдат дека е безбедна. Само за да го смени ставот на луѓето и да ја докаже ефикасноста на вакцината, Ханкок се реши на овој потег.

И контроверзниот ТВ презентер исто така нема дилема кога станува збор за вакцината и ќе ја прими во својата емисија во живо.

“Важно е да се ублажи стравот на луѓето од вакцината доколку таа постои.

Колку повеќе сме вакцинирани, толку подобри ќе бидат резултатите и затоа решив да го сторам тоа во живо. Важно е да им дадам пример на луѓето”, заклучи Морган.