Претседателот на Собранието на Косово, Кадри Весели, изјави дека Косово како независна земја нема територијални претензии кон Србија.

Тој рече и дека за Косово во оваа фаза е значајно да обезбеди функционалност на институциите на цела територија.

Нема да дозволиме во договорот со Србија да имаме негативен преседан. – рече Весели по средбата со претседателот на македонското Собрание во Скопје.

Како што пренесуваат српските медиуми, Весели зборувал за следните чекори на Косово и финалната фаза на дијалогот за нормализација на односите меѓу Белград и Приштина и истакнал подготвеност прашањето да се реши со правно обврзувачки договор.