Фериде е мајка на три деца која успеа да собере храброст и пред јавноста да проговори за насилството кое го претрпувала пред очите на своите деца.

Таа била жртва на сeмејно насилство, која секогаш се борела и живеела за своите деца, иако животот бил суров со неа.

Како што вели за ДОСИЕ.МК Фериде била долго измачувана од својот сопруг. Тој ја тепал и пред децата, но таа одличила токму поради нивно подобро утре да остави се зад себе, и да замине од куќата во која живеела со него.

Животот ја мачел да живее по подруми полни влага поради што сега е болна. Но не се предава се бори за децата и да оздрави и да ги освести и другите жени јавно да зборуваат дека не смее да молчат под насилната рака на сопругот, објавува Досие.мк.

Живеевме со мажот скоро 13 години, а последните четири пет години ме малтретираше како ќе му текне. Не ми кажа зошто, таков му беше карактерот, не ми дозволуваше ни да јадам како што треба и ме тепаше. Кога го прашував зошто ме тепа, велеше тоа ми е по волја, јас што сакам ќе ти правам, изјави Фериде пред камерата на ДОСИЕ.

Фериде е млада самохрана мајка која се бори да го врати здравјето, поради своите деца кои биле сведоци на насилството. 

Таа успеа да се избори, и да возврати на шлаканицата која и ја удри животот, со тоа што застана цврсто на нозе, сега се лечи и бара работа. Во продолжение погледнете го сведоштвото на Фериде за Досие.