Министерот за здравство доц. д-р Венко Филипче на денешната прес-конференција информираше за состојбата со корона вирусот во земјава, каде изјави дека меѓу пацинтите кои се веќе регистрирани, има 15 годишно момче од Дебар со што тој е најмладиот од заболените. Жената која беше прва заболена од овој град е во тешка здравствена состојба. Се очекуваат резултатите на уште девет од новотестираните сомнителни случаи.
Меѓу пацинтите кои се веќе регистрирани, има 15 годишно момче од Дебар. Во моментов 12 се заболени од корона вирус, се тестираат уште 9 лица, до Владата ќе се достави предлог за затворање на моловите. Влошена е состојбата на првата пациентка од Дебар и таа од утрово е поставена на машина со механичка вентилација со соодветната терапија. Се тестираат 9 лица. Шест се од Дебар, 4 имале директен контакт со заболените – втората група на пациенти, епидемиологот и техничарот кои се без симптоми, тестирање се прави за да се осигура нивната здравствена состојба. Се тестира едно лице странски државјанин преку ЦЈЗ Битола, претставник на една од меѓународните организации. Дополнително, се тестирани уште двајца пациенти, македонски државјани кои патувале во Шпанија и се јавиле заради покачена телесна температура.
Министерот информираше дека болницата во Дебар е организирана, и има епидемиолог, инфектолози и од болницата но и лекарскиот персонал од Дебарската бања е на располагање за сите пациенти од овој регион. Министерот најави дека тие ќе работат во една или две смени, а ќе бидат на повик континуирано.
Едно лице за целата организација е директорот на дебарската болница, има посебен еден дел од болницата, каде е како одделено физички одделение со посебен влез кадешто треба да се упатуваат и на преглед да се јават сите пациенти од овој регион коишто ќе добијат симптоми.Утрово, разговарав со директорката на Бирото за агенцијата за лекови, во врска со снабдувањето на аптеките и на веледрогериите во Дебар. Им беше укажано на тоа како сега се спроведува, согласно новите процедури и правила за влез односно излез во градот.
Министерот посочи дека се во целосна координација со Министерството за внатрешни работи во однос на потребата за поддршка за лекарски екипи доколку се изнуди таква потреба да се помогне на лекарите во спроведувањето на изолацијата, односно евентуално доколку има некоја потреба во болницата.
Засега нашите информации се дека во Дебар е мирно, дека нема некакви проблеми, луѓето се мирни и целосно разбираат за што станува збор. Ќе предложам до Владата затворање на моловите, со цел да се спречи ширењето на КОВИД-19.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.