Како што потврдија од Министерството за внатрешни работи, триесет и едногодишен скопјанец починал откако во него синоќа удрил воз додека се движел на пругата пред надвозникот на булевар „Србија“ во Скопје.
Во СВР Скопје синоќа во 2 часот било пријавено дека на железничката пруга пред надвозникот на бул „Србија“, воз кој сообраќал на релација Битола – Скопје удрил во пешак Н.М.(31) од Скопје, кој што починал на местото на настанот. Смртта ја констатирал лекар.
Увид на местото на настанот извршила увидна екипа на СВР Скопје. Известен е јавен обвинител по чија наредба телото на починатиот е предадено за обдукција.
Се преземаат мерки за расчистување на тешката несреќа.
Пред неколку месеци поради одрон на пругата кај Лакавица од шините се излизга патничкиот воз што сообраќаеше на релација Кичево-Скопје, но за среќа немаше повредени патници и персонал од железницата.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.