Партијата на Солза Грчева, “Глас за Македонија” поднесе претставки до надлежни институции за говорот на премиерот Зоран Заев.

Имено премиерот во своето излагање како дел од кампањата за рефередумот во Крива Паланка тој им вели на фирмите да им зголемат платите на работниците, што многумина го протолкуваа како поттикнување поткуп за гласање на референдумот.

За обидот за правење на референдумски поткуп од страна на премиерот Зоран Заев на средба со граѓани во Крива Паланка, “Глас за Македонија” денес поднесе претставки до јавниот обвинител на Република Македонија, Државната Изборна Комисија (ДИК), Државната Комисија за Спречување на Корупцијата (ДКСК), до мисијата на ОБСЕ и до Транспаренси Интернешнл Македонија – соопштија од партијата а пренесе република.мк.

Од таму ги повикаат горенаведените институции да делуваат независно и да покажат дека за нив сите граѓани се еднакви.

Нивното делување во случајот на овој мега скандал, а во пресрет на закажаниот референдум, будно ќе го следиме. – велат од партијата.