Веднаш после седницата на Претседателството на БиХ, српскиот член Милорад Додик рече дека се разговарало за неколку технички прашања – договори и аранжмани за заеми за неколку општини во Српска и ФБиХ.

„Имавме неколку артикли поврзани со назначувањето и должностите на амбасадорите. Исто така, неколку точки беа отстранети од агендата“, рече тој.

Додик истакна дека не го одобрува пристигнувањето на црногорскиот претседател Мило Ѓукановиќ на посета на БиХ.

„Со оглед на развојот на настаните во Црна Гора, мислам дека треба да го почекаме со тоа“, рече тој.

Пред два дена група од 60.000 верници се упатија пеш, во Подгорица, главниот град на Црна Гора. Оваа група ја сочинуваа старите црногорски племиња Кучи, Мерниќи, Бјелопавлиќи, Братоножиќи и останати, јави „Б92“.

Верниците пешачеле неколку часа за да стигнат до Храмот на Христовото воскресение. Како што пренесува „Спутник“ ова најголем собир досега во Подгорица.
За потсетување, пред околу два месеци настана општ хаос во собранието на Црна Гора токму поради предлог-законот за слобода на религија.
Тогаш во знак на протест против усвојување на закон за слобода на вероисповед, беше блокиран кружен тек на влезот на аеродромот во Подгорица.
За предлог законот гласаа 45 пратеници, додека немаше гласови против или воздржани. Претходно беа одбиени сите амандмани поднесени од Демократскиот фронт (ДФ).
Седницата на Собранието беше прекината кога полицијата ги приведе пратениците на Демократскиот фронт, по инцидентот во пленарната сала.

По целата ситуација се огласи и српскиот патријарх Иринеј кој изјави дека е длабоко потресен од актуелните случувања во Црна Гора по повод законот за слобода на вероисповед или уверувањата и правната положба на верските заедници, соопшти Српската православна црква (СПЦ).