Стевана Кузмановска e жената која беше вербално и физички нападната до градоначалникот на општина Зелениково, Борче Гиевски.

Расплака, објаснуваше како ја нападнал градоначалникот, и како директорката која според неа имала хистерични напади, ја малтретирала поради банални причини како барање на документ.

Потресно е сведоштвото на Стевана Кузмановска која вчера била нападната од градоначалникот на Зелениково, откако побарала средба со него во врска со однесувањето на директорката на училиштето во Орешани каде што и работи.

Како што вели Кузмановска, таа два пати гласала за градоначалникот а на последните избори гласале и нејзините деца. Како што вели, градоначалникот се однесувал добро, бил добар човек додека бил кандидат на ВМРО – ДПМНЕ, но не знае што се случило сега.

Низ солзи објаснува дека таа е оставена сама на себе, со своите две ќерки, па прашува дали поради тоа што таа нема никој да ја заштити како и градоначалникот и директорката е подложна на малтретирање, закани, притосоци, а на крајот и натепана од оној кој треба да работи во нејзин и интерес на граѓаните.

Случајот е пријавен во полиција, направен е записник, а Стевана има и лекарско уверение за повредите.

МВР се огласи со Билтен во кој стои:

На 04.09.2018 година околу 12,00 часот С.К. пријавила дека во Општина Зелениково барајќи прием кај Градоначалникот истиот вербално ја нападнал и насилно ја истуркал со вратата. Пријавителката, во Градската општа болница „Св. Наум Охридски” побарала медицинска помош. Се преземаат мерки за расчистување на случајот.