Лидерите на Европската Унија дадоа поддршка за Атина, опишувајќи ја Грција како „штит“ на Европа во притворањето мигранти, и покрај прашањата на ООН за кршење на меѓународното право за бегалци.
Четворица водачи на ЕУ се состанаа со грчкиот премиер, Кирикос Мицотикис, во граничниот град Орестиада во вторникот, во близина на грчката полиција која користејќи солзавец одврати стотици мигранти од обидот да преминат од Турција.
Претседателот на Европската комисија, Урсула фон дер Лејен, изјави дека:
„Оваа граница не е само грчка граница, туку е и европска граница… Им благодарам на Грците што во овие времиња беа наш европски штит“.
Тие најавија и 700 милиони евра (609 милиони фунти) во фондовите на ЕУ за Грција, вклучувајќи 350 милиони евра веднаш за ажурирање на инфраструктурата на границата. Агенцијата на ЕУ за гранично управување, Фронтекс, го разгрнува составот „брза интервенција на границата“, во кој се вклучени еден оф-шор брод, шест крајбрежни патролни чамци, два хеликоптери, еден авион, три терминални возила, како и 100 граничари за засилување на 530 грчки офицери на копнени и морски граници.
Премиерот на Хрватска, Андреј Пленковиќ ги повтори зборовите на лидерите од ЕУ, истакнувајќи дека:
„Грција сега е штит, вистинската надворешна граница на Европската унија и гарант на стабилноста за целиот европски континент“.
Посетата на ЕУ лидерите во Атина се случи во услови на ескалирање на војната на зборови меѓу Атина и Анкара, откако министерот за надворешни работи на Турција без да обезбеди докази рече – дека грчките војници убиле тројца мигранти кои се обиделе да влезат во земјата, тврдење кое е негирано со индигнација од страна на Грција.
ЕУ се бори да го спаси својот миграциски пакт во 2016 година со Турција, откако турскиот претседател Реџеп Таип Ердоган во саботата објави дека ги „отвора вратите“, велејќи дека Турција веќе не може да се справи со бегалците што бегаат од Сирија.
Освен тоа турскиот претседател Ердоган ја обвини Европската Унија дека штитејќи ја својата територија, сите мигранти ги оставила на Турија и при тоа не давала никаква поддршка ниту покажала волја за соработка. Ова реакција на Ердоган следува откако лидерите на Европската Унија ја пофалија заложбата на Грција во справување на мигрантската криза, а подзаборавија на значајната улога на Турција.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.