Според информациите кои ги објави ТВ АЛфа поранешниот претседател на Собранието Трајко Вељаноски и министерот за труд и социјална политика биле приведени за настаните од 27 април во Собранието на Република Македонија.  

Во случајот обвинети се триесет и три лица, од кои триесет и едно од обвинетите одговараат за „тероризам“, додека две за „помагање“. 

ОБвинителката Вилма Рускоска во август во врска со настаните од 27 април ги даде следните изјави:

» Триесет и шест сведоци и многу материјални докази, телевизиски снимки, како и снимки од камери од институции, ќе ја докажуваат вината на обвинетите од настаните од 27 април во Собранието на Република Македонија – изјави вчера обвинителката Рускоска по првото рочиште.

Таа рече дека засега само за овие обвинети имаат цврсти докази, но не исклучи и нови обвиненија доколку се обезбедат други докази.

» Кога ќе имаме цврсти докази за организаторите или нарачателите, тогаш и тие ќе бидат обвинети – рече Рускоска.

Покрај Трајко Вељановски кој е актуелен пратеник во Собранието од редовите на ВМРО-ДПМНЕ, денеска во Обвинителството за Крвавиот четврток приведени се уште двајца осомничени со иницијали М.Ј. и С.Р., за кои засега не го откриваат идентитетот.

Случајот 27 април го води ОЈО за организиран криминал, а за овој предмет во тек се завршните зборови за оние за кои има обвинителни акти.

Во ноември минатата година, на судско рочиште за Крвавиот четврток, се читаа СМС пораки од телефонот на Трајко Вељановски.

» На 27 април во 17:48 Трајко Вељаноски испраќа смс порака до Горан Ѓошевски со содржина „бидете на штрек“. Ѓошевски во 17:49 испраќа смс порака со содржина „да” и подоцна уште една „сите знаат и од МВР”. Во 18:04 Вељановски му праќа порака „кажи им да влезат двајца внатре и да не им дозволат да седнат на моето место – прочита тогаш дел од вештачењето обвинителката Вилма Русковска.