Претседателот на Република Македонија Ѓорге Иванов денеска го прими Метју Палмер вршител на должноста заменик помошник државен секретар во Стејт Департментот на Соединетите Американски Држави за Европа и Евроазија.
На средбата – како што соопштија од неговиот кабинет – тие разговарале за актуелните политички состојби во Република Македонија и за натамошно зацврстување – збогатување и унапредување на стратегиското партнерство меѓу Република Македонија и САД.
Македонскиот претседател изразил очекување дека ќе продолжи американската поддршка за надворешно политичките цели и приоритети на Република Македонија за добрососедските односи и регионалната соработка.
“Претседателот Иванов посочи дека Република Македонија уште во 2008-та година ги исполни условите за членство во НАТО и сиве овие години активно придонесувајќи во НАТО мисиите – заедно со земјите членки – Република Македонија го заслужува членството без дополнителни услови.
Во однос на постигнатиот договор меѓу владите на Република Македонија и Република Грција – претседателот Иванов истакна дека не прифаќа Договор со кој се крши Уставот – Законите и се рушат државните институциите и претставува Договор кој е на штета на македонските национални интереси.” – соопштија од кабинетот на Иванов.
Палмер втор пат е на прием кај Иванов во рок од една година. Првиот пат прием имаше кога побара Иванов да даде свој став за тогаш “решението” за името познато и како политичкото фијаско на Заев – “Република Илинденска Македонија”.
По оваа средба високиот гостин од САД ќе се сретне со премиерот и претседател на СДСМ – Зоран Заев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.