Скоро 1.500 луѓе починале во Италија од опасниот корона вирус, при што бројот од минута на минута скокнува се повеќе. Оваа европска земја стана во фокусот на смртоносен вирус, а заради црната зона, животот во Италија застана за само неколку дена.
По улиците скоро и да нема сообраќај, редици пред аптеките, полицијата запира автомобили и има многу исплашени граѓани, кажува Италијанката за Телеграф.рс, Федерика Франчешети (29) од Торино.
– Ситуацијата на улиците во Торино е страшна.
Сè уште има луѓе кои мораат да одат на работа, но улиците се целосно празни. За да се движите мора да исполните една од трите оправдани причини: ако одите на работа, ако одите во продавница и ако одите да ги посетите вашите најблиски во болницата. Полицијата има право да го сопре автомобилот и да провери зошто се движите низ градските улици. Ако немате валидна причина, ќе бидете казнети – објаснува Федерика.
Кога станува збор за работни места, таа пропагира и предлага да работи од дома, доколку, како што вели, има дозвола за работа. Федерика е вработена како агент за поддршка на клиенти во добро познатата италијанска фабрика за кафе, каде во моментот одговара на е-пораките и барањата на клиентите и е во состојба да работи од дома.
– Бидејќи јас во моментот работам само на е-пошта, тоа можам да го сторам и од дома, но моите колеги кои одговараат на телефонот не можат и тоа ја комплицира состојбата на мојата компанија – истакнува таа.
Првиот регион што беше затворен беше Ломбардија, провинцијата Милано, а потоа половина од Пиемонт, каде се наоѓа Торино, што беше проследено со блокада на целата земја. Блокадата значи дека не можете да излезете од вашиот град на живеење, вие може да возите само во трите случаи што ги спомнав – посочува Федерика и објаснува какви мерки се преземени во Торино за да се спречи ширењето на вирусот корона.
3 лица се дозволени да одат во продавницата.
– Ако одите на продавница, до продавница е дозволено до три лица (иако ова често зависи од големината на продавницата). Редица се чека пред влезот на аптеката и растојанието помеѓу луѓето мора да биде околу 1,5 метри. Чудно е да се види вакво нешто.
На прашањето дали нејзиното семејство паничи да купи храна и материјали, таа одговара:
– Мајка ми секој ден купува нешто. Луѓето што ги познавам, исто така, немаат паника, или не сакаа да ми кажат – се пошегува Федерика.
Училиштата се затворени од крајот на февруари, без часови е и во колеџите. Јавните институции, како што се поштата или владата, продолжуваат да работат. Сепак, сè друго е затворено.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.