Уругвај е вториот четвртфиналист на Мундијалот во Русија, а следен нивни противник е феноменалната Франција која што претходно ја совлада селекцијата на Аргентина.

Вечерва беше елиминиран Европскиот првак, кој за жал се бореше лавовски се до последен момент од натпреварот.

Разочараноста можеше да се забележи на лицата на португалците, а посебно кај најдобриот фудбалер на денешницата, Кристијано Роналдо.

Инаку, натпреварот заврши со резултат 2:1. За Уругвајците двата гола ги постигна ѕвездата на ПСЖ, Кавани, а единствениот погодок за Португалија го постигна Пепе.

Во четвртфиналето на 6ти јули Уругвај ќе се сретне со селекцијата на Франција.

За утрешниот ден исто така имаме две добри двојки од кој се очекува и одличен фудбал, да се надеваме и со многу голови:

Шпанија – Русија

Хрватска – Данска