Исклучената пратеничка од ВМРО – ДПМНЕ и поранешна министерка за култура, Елизабета Канческа Милевска денес го испи првото кафе со Талат Џафери како идна координаторка на новоформираната пратеничка група.

Според извори од кабинетот на Џафери, Канческа Милевска на денешната средба го информирала Џафери дека официјално до службите на Собранието доставиле информација за формирање на нова пратеничка група од осум пратеници под името „Независна пратеничка група од ВМРО – ДПМНЕ и коалицијата за подобра Македонија“.

Средбата Канческа Милевска спаѓа во редовните координациони средби кои со Џафери ги имаат претставиците на сите партии кои имаат претставници во законодавиот дом.

ВМРО – ДПМНЕ нема официјален став за оваа востановена практика, но како не го признаваат легитимитетот во изборот на Талат Џафери не присуствуваат на овие средби.

Џафери ја информирал Канческа Милевска дека правно нивната пратеничка група ќе може да започне со делување од следниот поенделник.