На денешната прес-конференција Џафери, обраќајќи им се на граѓаните по вчерашното распуштање на Парламентот и распишување на предвремените парламентарни избори на 12 април, рече дека лидерите решија да го вратат мандатот кај народот, а обврска на институциите е да обезбедат услови за спроведување на фер, слободни и демократски избори на кои народот ќе го искористи своето демократско граѓанско право и обврска.

– Апелирам до сите учесници во овој изборен процес – политички партии, партиски членови, членови на избирачките одбори и општинските изборни комисии и најважно од се медиумите да бидат на висина на својата задача да придонесат изборниот ден да биде свечен и да биде уште еден позитивен прилог во извештајот за напредокот на земјата што треба да биде објавен во март со што ќе дадеме свој значаен удел во позитивниот исход на Самитот во Загреб и да добиеме датум за почеток на преговорите со ЕУ, изјави Џафери на прес-конференцијата која е во тек.

Џафери упати апел до медиумите да бидат на висина на својата задача.