По наредба на шефицата на Обвинителството за организиран криминал и корупција Вилма Рускоска, МВР ја уапси специјалната обвинителка Катица Јанева, потврдија од обвинителството. Јанева е осомничена за злоупотреба на службената положба и овластуваањата.

Ова уследи ден откако беше сослушана за случајот „Рекет“ вчера во присуство на адвокат.

Голем број полицајци го опколија домот и ја затворија улицата во скопската населба Козле каде живее Катица Јанева.

Како што дознава Телма, во тек е приведување на специјалната обвинителка, која вчера даваше исказ пред Обвинителството за организиран криминал и борба против корупцијата.

За 14 часот во Јавното обвинителство е закажана прес-конференција на јавните обвинители Љубомир Јовевски и Вилма Рускоска во врска со предметот „Рекет“.