Компанијата “Брако” која е во сопственост на вицепремиерот Кочо Анѓушев по неговото стапување на функција добила вкупно 2.5 милиони денари [40.000 евра] за набавки во четири очи без отворена тендерска постапка од државни институции.

“Брако” на Анѓушев во неколкуте набавки од државата набавувала од гориво преку медицинска опрема и кревети па се до изградба на патишта.

Станува збор зa конфликт на интереси ако се има предвид дека институциите префрлале пари на фирмата која е во сопственост на вицепремиерот што според правилата на антикорупциската комисија е недозволено. Симптоматичнo e што сите пет набавки кои ивредат 2.5 милиони денари се отворени со тип на постапка “Барање за прибирање понуди” која е брза и нетранспарентна и не значи јавен тендер. По укинувањето на Советот за јавни набавки токму овој тип на набавување остава најголем простор на местење на набавка.

Компанијата која е во сопственост на Анѓушев набавувала болничка опрема за ЈЗУ “Психијатриска болница” – Негорци од каде земала околу 665.000 денари во исто време на ваков начин се набавувале и болнички кревети за клиниката за кардиологија. Набавката со психијатриската клиника е склучена на 22-ри јануари годинава.

Овен за болничка опрема компанијата на Анѓушев на државата и продавала и нафта за потребите на основниот суд во Велес за 82.600 денари.

Компанијата “Брако” доби и тендер од Македонија пат во вредност од речиси 37 илјади евра за кои треба да испорача мрежа за заштита од одрони на патишта за државната компанија. Договорот е склучен на 9-ти минатиот месец.

На тендерот кој го распиша претпријатието кое се грижи за патиштата низ земјава се пријавиле три компании. Сепак најефтина била понудата на “Брако”.

Вицепремиерот Кочо Анѓушев пред неполна година ја убедуваше јавноста дека нема да дозволи негови фирми да добиваат тендери од државата а во меѓувреме неговите фирми добија тендер од ЕЛЕМ како и од Фондот за иновации и од Агенцијата за патишта.