Утре се очекува портпаролот на СДСМ Костадин Костадинов да одржи прес конференција пред седиштето на ДУИ во Мала Речица. Тема ќе бидат вработувањата во Царинската управа на Македонија, кои се еклатантен пример за нeпoтизaм каде што вработени се сестри, браќа, синови и ќерки, и сопруги на функционери од власта, најчесто од партијата ДУИ, според она што го пренесуват порталите на албански јазик (www.informohu24.com)

Свои роднини во царина вработиле голем број на функционери на ДУИ, меѓу кои и вице-премиерот Бујар Османи, кој во Царина си го вдомил својот шофер, но и својот внук. Инаку, само пред неколку дена токму Бујар Османи на јавноста и објаснуваше што е дефиниција за непотизам, а што не е непотизам, и колку реформите во јавната администрација се битни за почетокот на преговорите со ЕУ. Ова се дел од функционерите кои вработиле свои блиски, а за кои известуваат медиумите и социјалните мрежи:

• Илми Селами, Извршен директор на А.Д. Водостопанство на Р.Македонија, синот си го вработил во Царина
• Ардиан Муќа, директор на Ј.П. Градски Паркинг Скопје, во Царина си ја вработил сопругата
• Бујар Османи вице-премиер во Царина си ги вработил својот шофер и внук
• Назми Беќири, функционер на ДУИ од Куманово и поранешен пратеник, синот си го вработи во Царина
• Земри Ќемали поранешен заменик министер во МВР, во Царина го вработил синот
• Ирфан Буќи, заменик директор во Царина, ги вработил зетот, внукот и сестрата