Британската кралица Елизабета со месеци не ги извршува своите јавни должности поради епидемијата со коронавирус, а како што наведуваат странските медиуми, ова е крај на нејзиното владеење.

Според британскиот Sun кралицата Елизабета (94),  ќе остане во нејзината резиденција во замокот Виндзор за време на вирусот корона, но она што ги вознемири и загрижи многумина, се најновите информации според кои е можно кралицата никогаш да не се врати на кралските должности.

Ситуацијата со коронавирусот го „принуди“ кралското семејство да се повлече од јавноста, па токму затоа сега ги чувствуваат последиците.

Додека владата се обидува да го ублажи ова, стана извесно дека кралицата нема да се појави во јавноста. Доколку е апсолутно неопходно, таа ќе одговори преку видео.

Со оглед на нејзината, но и возраста на нејзиниот сопруг Филип, чија здравствена состојба е многу кревка, се шпекулира дека парот ќе биде во изолација уште долго. Според британските медиуми, таа можеби никогаш нема да се врати на своите јавни кралски должности, затоа што ризикот е преголем.

„Ова е многу тажно, но јас не гледам начин кралицата да се врати во нормален начин на живот и да извршува кралски должности“, изјави авторот на многу кралски биографии, Ендру Мортон, за Sun.