„Македонски железници“ е државна компанија со најголема загуба од од 70,7 милиони евра

Застрашувачки е тоа што оваа државна компанија, единствена од својот вид во земјава, има акумулирана загуба од 70,7 милиони евра и вкупни обврски кои достигнуваат 90 милиони евра.

Фото/Текст извор: ©магазин.мк

Како што пренесе порталот Фактор, „Македонски железници транспорт“ е државна компанија со најголема загуба.

Оваа државна компанија лани заврши со загуба од речиси 8 милиони евра, а претходната година беше во минус од 8,2 милиони евра, пренесе Фактор.

Како што објави порталот застрашувачки фактот што оваа државна компанија, која е единствена од својот вид во земјава, има акумулирана загуба од 70,7 милиони евра и вкупни обврски кои достигнуваат 90 милиони евра.

Инаку на 30 ти минатиот месец, за директор на АД Македонски железници – Транспорт беше назначен портпаролот, воедно и член на Централно претседателство на Алтернатива, Орхан Муртезани.

Орхан Муртезани, познат во јавноста како долгогодишен портпарол, е еден од основачите на Алтернатива. Роден е во Сарај, Скопје. По професија е економист, дипломирал на Економскиот факултет при универзитетот „Св.Кирил и Методиј“ во Скопје, додека постдипломските студии ги продолжил во Универзитетот ‘‘Мармара’’ во Истанбул во отсекот Менаџмент и организација. Течно зборува англиски и турски јазик.

Во јавноста, исто така, е познат и како млад интелектуалец преку бројните телевизиски настапи, анализи и колумни објавени во разни списанија, весници и разни електронски платформи во земјата.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.