Турскиот претседател Реџеп Таип Ердоган им даде на десетици илјади мигранти зелено светло да се преселат во границите на Европа, а после тоа се појави хаос, особено во Грција.

Во градот Морија, на островот Лезбос, мештаните пронајдоа навистина непријатен поглед во црквата Св. Ѓоргија.

Работи се расфрлани во самата зграда, нечистотијата се шири низ подот. Иконите исто така беа оштетени, а иконостасот е уништен. Зачудените локални жители го снимаа хаосот неколку часа потоа. Многумина европски официјални претставници веќе го осудија потегот на Ердоган.

Австрискиот канцелар Себастијан Курц го обвини за злоупотреба на бегалците со цел да изврши притисок врз ЕУ.

„Се случува да имаме бран бегалци само на грчката граница, но не и на границата со Бугарија. Не се луѓе од Сирија кои бегаат во Грција, туку луѓе кои со години живеат во Турција.

Претседателот Ердоган свесно ја организираше оваа акција. “, објасни тој.

Досега преку Едрене, Турција ја напуштиле 36.776 мигранти, соопшти пред два дена турскиот министер за внатрешни работи, Сулејман Сојлу.
„До 21 часот по локално време преку Едрене, 36.776 мигранти ја напуштија нашата земја“, напиша Сојлу во порака на „Твитер“, а пренесе новинската агенција „Анадолија“.

Турскиот претседател Реџеп Таип Ердоган изјави дека неговата земја и претходно предупредувала дека нема да може да го поднесе товарот на новиот мигрантски бран и ќе мора да ги отвори границите доколку продолжат кризата и пристигнувањата од Сирија.