Пратеникот на ВМРО – ДПМНЕ и поранешен министер за надворешни работи, Антонијо Милошоски, својата кампања за бојкот на претстојниот референдум за промена на името ја пренесува и на социјалните мрежи.

Милошоски појасни дека со бојкот, и повеќе од сигурно е дека референдумот нема да успее.

“Штетниот договор за смена на името Димитров : Коѕијас е дотолку полош што предвидува ДВА кумулативни грчки УСЛОВИ без чие целосно исполнување од “втората страна” (Р. Македонија), Атина нема баш никакви обврски за ратификација и поддршка:

1 услов – успешен референдум за смена на името
2 услов – менување на Уставот“, пишува пратеникот Антонио Милошоски на својот Фејсбук профил.

Милошоски воедно постираше и дел од членот од Договорот од кој нема што не е јасно, втората страна е условена:

„Со #Бојкотирам референдумот повеќе од сигурно е дека нема да успее и штетниот договор нема да стапи на сила!

Бојкотирањето, како демократско право, не само што ќе го оневозможи неуставниот договор, туку ќе биде и конкретна критичка порака до власта да се зафати со исполнување на обврските кои ги вети пред изборите, и да не го троши времето и парите за исполнување на неуставни агенди”, вели Милошоски.