Страшна видео снимка објавија рсуките медиуми од внатрешноста на авионот кој вчера се запали на пистата на аеродромот „Шереметјево“ во Москва.
„Во авионот имало 73 патници и 5 членови на екипажот. Страшната несреќа ја преживеаја 37 луѓе, од кои четворица се членови на екипажот. Неколкумина се хоспитализирани, а со 28 патници работат психолози и им се укажува здравствена заштита.“ – изјави Елена Марковскаја – Истражен комитет на Русија.
На снимките може да се види внатрешноста на авионот каде огнот ја проголтал опашката на леталото.
Авионот на „Аерофлот“, кој полетал од Москва кон рускиот град Мурманск, бил принуден да се врати на „Шереметјево“ кога пријавил дека има проблеми по помалку од половина час по полетувањето.
Од утринава истражителите се на терен и утврдуваат детали кои би можеле да бидат причина за авионската несреќа. Пронајдени се и црните кутии, а новите снимки покажуваат дека пилотот се обидел да слета двапати, пред да се запали леталото.
Преживеаните раскажуваа како избегале од авионот на „Аерофлот“, кој букна во пламен при слетувањето на аеродромот Шереметјево.
Ничего себе он закозлил… Ад pic.twitter.com/WM2Ky9RrDH
— Руслан Левиев (@RuslanLeviev) May 5, 2019
Причината за авионската несреќата најверојатно било удар на гром.
Патниците рекоа дека авионот, кој бил упатен кон северниот руски град Мурманск, бил погоден веднаш по полетувањето.
Неколкумина од петте члена на екипажот исто така изјавија дека поради молњи се загубила комуникацијата со контролата на летање.
На драматичното видео од аеродромските камери се виде дека авионот слетува многу нестабилно, отскокнува на пистата и букнува во пламен.
Поради несреќата, во Русија е прогласена тридневна жалост. Повеќето од загинатите патници се задушиле од чадот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.