Според порталот фокус.мк, поротник револтиран поради висината на казните за осудените од 27 април си дал оставка. Од Основен суд Скопје 1 потврдија дека судија поротник во предметот „27 Април“ поднел оставка во Судечкиот совет, но официјално не е позната причината за неговото повлекување. 

Неофицијално, како се шпекулираше во медиумите, поротникот, пензиониран полицаец се повлекол револтиран од висината на казните за осудените. Тој имал забелешка за казните на колегите полицајци, за кои сметал дека се неправедно осудени.  

Дали поротникот имал сомнеж поголем од тој на судијата Кацарска која ги осуди обвинетите на два века казна затвор ? 

„Ве информираме дека еден од судиите поротници во судечкиот совет со кој претседава судијата Добрила Кацарска, самиот побарал од Судскиот совет да биде разрешен од функцијата судија – поротник, па заради тоа е извршена и промена на советот, но во однос на предметите за кои прашувате, оваа промена нема никакво влијание со оглед да предметот поврзан со „27 април“ е веќе завршен со првостепена пресуда. Другите предмети, познати како „Транспортер“ и „Триста“, заради промена на составот на советот, формално се веќе почнати од ново и не само што се доведени во фазата во која биле претходно, туку се и во понапредна фаза со оглед да на претходните расправи за овие предмети се изведувани нови докази и соослушани нови сведоци. Па затоа оваа промена не претставуава никава пречка нити причина за одолговлекување на предметите“, велат од Основен суд Скопје 1.