Постојката Југодрво, поради изведување на градежни активности на булевар „Кочо Рацин“ привремено не е во функција, соопштуваат од ЈСП.

Како што беше објавено на нивната официјална веб страна автобусите од јавниот превоз ќе почнат да ја користат посочената постојка кога ќе се обезбедат услови на терен, односно кога ќе завршат градежните активности.

Од ЈСП известуваат дека линија 9 е пренасочена во правец од Скопје север кон Клинички центар, односно автобусите после Битпазар вртат десно по булевар „Гоце Делчев“, лево по булевар „Филип Втори Македонски“ (од кај МНТ), кај Градска болнца лево по булевар „11 Октомври“ (Зелен пазар) и десно на булевар „Кочо Рацин“ се враќаат на траса.

Во правец од Клинички центар кон Скопје север возилата сообраќаат по својата редовна траса.