На 2 ри април, грчкиот премиер Алексис Ципрас беше во официјална посета на нашата држава.  Ципрас беше придружуван од својата партнерка Бети Базиана, а по работните обврски, тие најпрво се упатија на ручек во Старата скопска чаршија.

Додека премиерите учествуваа на бизнис форумот во хотелот „Александар Палас“, Зорица Заева ѝ ја покажа на Базијана, скопската тврдина Кале, а средбата на двете префинети дами беше интересна како за македонските така и за грчките медиуми. Инаку Зорица Заева, сопругата на премиерот Зоран Заев, и партнерката на грчкиот премиер, односно невенчаната сопруга Перистера Бети Базијана, за време на заедничкиот ручек си размениле подароци а ова беше топ вест и во грчките медиуми.

Инаку на крајот од денот Премиерите заедно со своите дами се упатиле во познат скопски ресторан на вечера. По набиената дневна агенда и работните обврски тиесе упатиле во елитната винарија Камник, објавија грчките медиуми. 

Како што известуваат грките медиуми, Бети Базиана и Алексис Ципрас останале во Скопје до полноќ, односно во Грција стигнале околу еден часот по полноќ.

Инаку интересно е тоа што по средбата грчките медиуми беа преплавени со вести од овој настан, во многу весници средбата доби и насловна страна, а беше оценета со многу позитивни коментари. Најкоментиран момент од оваа средба беа трите селфи фотографии кои ги направи премиерот Зоран Заев со Ципрас.