Специјалното јавно обвинителство (СЈО) во новата истрага “Поштенска банка”.

Во предистражната постапка СЈО бара притвор за три лица, меѓу нив, според нашите информации, е и Ратко Димитровски кој во истрагата е осомничен како сопственик на печатницата “Европа 92” Кочани. Димитровски е и поранешен градоначалник на Кочани од редовите на ВМРО – ДПМНЕ.

Освен за него, се бара притвор и за Томе Главчев како сопственик на “Ноел Експорт импорт” Гевгелија и за Коле Смилевски како генерален директор на “Поштенска банка” АД Скопје.

Тројцата се приведени и вчера после 12 часот, и ќе бидат изведени пред судија на претходна постапка при Основниот суд Скопје 1.

Тие заедно со уште шест други лица (Викица Поповски, Георги Каратолис, Кирил Јаневски, Зоранчо Митровски, Ристо Милев и Златко Ѓорчев) се осомничени за перење пари, а Главчев и Димитровски и за злоупотреба на службената положба и овластувања.