58-годишен прилепчанец е приведен во полициска станица, откако го нападнал својот сосед со метална патерица. Тој претходно ја скршил влезната врата и го нападнал неговиот сосед.

„Вчера во 16:20 часот во Прилеп, С.Т. пријавил дека на улица „Савка Манеска“, пред сопствената куќа бил физички нападнат од страна на неговиот сосед К.К.(58), со удари со метална патерица. По физичкиот напад, според пријавеното, К.К. се упатил кон домот на оштетениот, ја скршил влезната врата и го нападнал и С.Х. Сторителот е приведен во Полициска станица Прилеп, по наредба на Јавен обвинител од истиот е одземена ловна пушка и патрони. Се преземаат мерки за целосно расчистување на случајот, по што ќе биде поднесен соодветен поднесок“, велат од МВР.