Рокот за електронско пријавување на редовните студенти од втора и повисоките студиски години за сместување во студентските домови во академската 2018/2019 година трае до 15-ти август а за студентите од прва година ќе биде од 7-ми до 14-ти септември.
Според Конкурсот во 11 студентски домови во Скопје Битола – Охрид – Штип – Прилеп и Пробиштип слободни се вкупно 5.496 легла.
Од нив 1.103 легла се за тие што ќе се запишат во прва година на факултет по уписот на крајот од месецов [ прв уписен рок 30-ти и 31-ви август ] а останатите 4.393 легла се за студенти од втора – трета четврта – петта и шеста студиска година.
Во Скопје најголем број легла има во домот “Стив Наумов” вкупно 1.359 во трите згради и во новите бараки. Во “Пелагонија” има 980 во студентскиот дом “Гоце Делчев” каде сместувањето ќе биде само во реновираните блокови А и Б слободни легла има 608 во домот “Кузман Јосифовски Питу” 490 и во домот “Томе Стефановски Сениќ” ќе може да се сместат вкупно 577 редовни студенти.
Во студентскиот дом “Кочо Рацин” во Битола слободни се 385 легла во “Никола Карев” во Охрид 231 во “Орде Чопела” во Прилеп 285 во студентскиот дом “Доне Божинов” во Пробиштип има 130 легла и во четири студентски домови во Штип [ еден државен и три приватни ] има вкупно 451 легло за сместување студенти.
Студентите кои се пријавуваат на Конкурсот треба да пополнат електронска пријава поставена на интернет страницата www.konkursi.mon.gov.mk.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.