Спасовски: „Две години„ стоиме на зборот за „изградениот автопат„, што ветивме остваривме„

Тој преку фејсбук статус се обрати до граѓаните каде вели дека СДСМ си стои на кажаниот збор, сето она што го ветија тие за две години го исполнија.

Фото/Текст извор: ©магазин.мк

Министерот за внатрешни работи Оливер Спасовски на својот Фејсбук профил упати пофални зборови за својата партија односно за владеачката СДСМ.

**Оливер Спасовски важи за човек од доверба на премиерот Зоран Заев**

Изградивме 480 км патишта и реконструиравме 10 железнички станици и 216 км гасовод. Децата ширум земјата добиваат 23 нови градинки и 6 нови основни училишта. Денес го градиме нашето утре. За нашите деца, овде, во нашата земја! Две години заедно со СДСМ. Две години промени.

Две години #ЗборотВажи, напиша министерот Спасовски.

Тој сподели и видео со сработеното од оваа власт, во кое се нагласува дека денес Владата го гради нашето утре, односно иднината за сите граѓани и децата.

Инаку Оливер Спасовски е дипломиран правник на Правниот факултет „Јустинијан Први” при Универзитетот „Св. Кирил и Методиј“ во Скопје. Спасовски својата професионална кариера ја зпаочнува како адвокатски приправник. Од 2001 до 2005 работи како советник на градоначалникот на Општина Куманово, а од 2008 до 2011 година работи како секретар на Општина Куманово.

Во периодот од 2006 до 2008, од 2011 до 2014, и од 2016 до 2017 година, Спасовски бил пратеник во Собранието на Република Македонија.

Како докажан професионалец и познавач на безбедносната политики, но и со предходно докажаната посветеност, Оливер Спасовски на 31 мај 2017 година по трет пат е избран за министер за внатрешни работи.

Спасовски предходно во два наврати ја извршуваше функцијата како прв човек на министерството за внатрешни работи, и тоа првиот пат од 11.11.2015 година до 18.05.2016 година и вториот пат од 02.09.2016 година до 29.12.2016 година.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.