Новиот албум ја рефлектира љубовта што оваа дуо ја чувствува кон Јамајка – нејзината музика, духот на луѓето и културата. Албумот доаѓа во стандарден дигитален и CD формат и дигитален делукс и супер делукс физичко издание.

Шаги и Стинг се запознале преку заеднички соработник, Мартин Кирценбаум, сегашниот менаџер на Стинг. Откако Стинг ја слушнал песната на која работел Шаги, тие одлучиле заедно да одат во студиото. Првично, планот бил да се сними само „Don’t Make Me Wait”, но ритамот, зборовите и мелодиите толку ги обземале и двајцата што одлучиле да снимат повеќе песни. Неколку недели дуото создавало музика во Њујорк, каде го споиле ритамот на Карибите со традиционалните модерни стилови, поп и рок.

Во студиото им се придружиле уметници од Јамајка и Њујорк, како што се Роби Шекспир, Двејн Шипи, Шејн Хусонг, Патекс, Тирантула, но и долгогодишниот гитарист на Стинг, Доминик Милер. Продукцијата е на  „Sting International”, со кои Шаги соработуваше на песните „Boombastic” и „It Wasn’t Me”, а извршен продуцент на горенаведените е Мартин Кирценбаум.