Обилните дождови денеска ги погодија Обединетите Арапски Емирати и предизвикаа колапс низ целата земја. Делови од главните автопатишта се поплавени, автомобилите на речиси сите патишта низ Дубаи буквално „пливаат“, додека сообраќајот на огромниот меѓународен аеродром е во прекин, бидејќи пистите по кои се движат авионите се претворија во реки!

Како што јавија светските медиуми, дожд почна да врне во текот на ноќта, а силниот ветер придонесе за прекин на летовите на меѓународниот аеродром во Дубаи.

Во меѓувреме, бројот на загинати во одвоените тешки поплави во соседен Оман се искачи на 18, додека непознат број луѓе се водат како исчезнати, пренесува CBS News.

Strange weather in Dubai pic.twitter.com/q5lqGouTZB

— What the media hides. (@narrative_hole) April 16, 2024

Аеродромот во серија објави на социјалните мрежи соопшти дека сите операции се стопирани на околу 25 минути во вторник попладне, и дека сите дојдовни летови ќе бидат пренасочени „до подобрување на временските услови“.

Полицијата и службите за итни случаи полека возеле низ поплавените улици, нивните светла за итни случаи трепкале додека молњите го осветлувале небото, повремено допирајќи го врвот на Бурџ Калифа, највисоката зграда во светот.

Училиштата низ ОАЕ беа главно затворени пред невремето, а владините службеници главно работеа од дома, каде што е можно. Многу работници исто така останаа дома, иако некои отидоа на работа.

Властите испратија цистерни на улиците за да ја испумпуваат надојдената вода што навлегуваше во некои домови, принудувајќи ги луѓето да користат кофи за да се обидат да ги испразнат своите домови, јавуваат медиумите.