Вчера во попладневните часови загинаа најмалку 3 лица, а четири се повредени кога мал авион на полетувањето од аеродром во Непал во областа Монт Еверест се удри во паркиран хеликоптер.

Најмалку 3 лица загинаа откако авион од компанијата “Samit er” (Summit Air) вчера во попладневните часови се обидел да полета од аеродром во Непал. При полетувањето тој се лизнал од пистата и удрил во паркиран хеликоптер.

Портпаролот на полицијата Раж Кумар наведе дека авионот се лизнал од пистата и удрил во хеликоптер “Manang er” (Manang air).

Двете компании се приватни, ги услужуваат туристите во оддалечените области во земјата.

Повредените со хеликоптер се пренесени во Катманда, рече портпаролот на Непалската полиција. Тој додаде дека полициски тимови стигнале до местото на несреќата и дека кординираале со големи напори да спречат избивање на поголем пожар на аеродромот.

Помеѓу загинатите се пилотот на авионот и двајца полицајци кои биле во близина на паркираниот хеликоптер. 

Цивилниот управник на аеродромот рече дека четири патници и еден член на екипажот во авионот се безбедни. После тешката несреќа властите привремено го затворија аеродромот, преку кој се патува за Монт Еверест.

Овој аеродром кој се наоѓа на висина од 2.845 метри, а често се збори за него дека е еден од најопасните во светот поради кратката должина на пистата и тешкиот пристап. Отворен е само за хеликоптери и мали авиони.