На 29 октомври, во Истанбул Турција ќе биде отворен најголемиот аеродром во светот. Тоа ќе биде трет аеродром во милионскиот град Истанбул.
Новиот аеродром ке го носи името „Istanbul Yeni Havalimani“ и е изграден на европската страна на Истанбул, на само 35 километри северно од градот, во регионот Арнавуткој. Неговата изградба почнала во јуни 2014 година, а деновиве е завршена првата од вкупно четири фази на изградба. Во првата фаза е предвидено аеродромот да може да прими над 90 милиони патници.
Според сознанијата се очекува до 2030 година аеродромот „Istanbul Yeni Havalimani“, да можат да го користат 150 милиони патници годишно, кога и ќе биде завршена последната фаза.
За споредба, најпрометниот аеродром во светот „Хартсфилд Џексон“ во Атланта, САД во 2017 година имал 105 милиони патници. ОД друга страна шесте аеродроми во Лондон опслужуваат повеќе од 150 милиони патници годишно.
Изградбата на аеродромот чини 10,5 милијарди евра. Ќе се простира на површина од 7 659 хектари што е околу 76 квадратни километри и ќе има шест писти. На новиот аеродром ќе биде изграден и најголемиот светски трговски комплекс без царина.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.