Граѓанско демократската унија обвини дека вицепремиерот задолжен за спроведување на Рамковниот договор, Хазби Лика, не оди на работа но зема министерска плата.

Според партијата, партиска книшка, а не стручност и образование, е критериумот за вработување и напредување во администрацијата.

И додека администрацијата си се полни со партиски послушници, а директор се станува според партиски заслуги, рамковните административци си останаа недопирливи печалбари во странство.

Па и вицепремиерот Хазби Лика пред неколку месеци разбравме дека не одел на работа и од кога се појавија овие информации, го нема и да се појави во јавноста, да каже што правиме со овој проблем што се провлекува низ годините. – велат од партијата.

Од таму го прашуваат Лика врз основа на што рамковните административци добиваат плата, но и тој како министер?

Што се случи со операцијата за активирање на овие луѓе? Или ги активирате само за избори? Крајно време е да и одговорите на јавноста.

Министерот Манчевски, пак, им дава рок уште, ако не нашле во одреден временски рок соодветен ангажман, а не кажува колкав е тој рок, дури тогаш ќе се презело нешто. Од кога го слушаме ова и пак ништо, плата од македонскиот буџет секој месец си легнува на нивна сметка. – велат од партијата.

Хазби Лика алијас командант Чела на работа од извори од Владата на Македонија не оди од прославата за Охридскиот рамковен договор, кој е под негова надлежност за имплементација, а која ја презеде вицепремиерот за евроинтеграции, Бујар Османи, по што следела жолчна расправа.

Командант Чела е македонски политичар, поранешен член на терористичка ОВК и ОНА и поранешен градоначалник на Тетово.  Во 2003 година од СДСМ бил назначен на местото заменик министер за внатрешни работи.

Лика бил командант во Тетовско за време на конфликтот во 2001 година и е едно од имињата од ОНА што најмногу се споменуваа дека стојат зад масакрот на македонските безбедносни сили во Вејце. 

Бил градоначалник на Тетово од 2005 до 2009 година.