ГЕРМАНСКИОТ МИНИСТЕР ЗА ЗДРАВСТВО ЗАРАЗЕН СО КОРОНАВИРУС

Министерството соопшти дека Шпан веднаш заминал во изолација и дека има симптоми налик на настинка.

Фото/Текст извор: ©Магазин.мк

Министерот за здравство Јенс Шпан бил позитивен на тестот за коронавирус и заминал во самоизолација, соопштија од неговиот кабинет. Шпан е архитект на државната политика за справување со вирусот.

Министерството соопшти дека Шпан веднаш заминал во изолација и дека има симптоми слични на настинка.

Шпан неодамна ги повика Германците да ги почитуваат мерките за физичко растојание за да се задржи стапката на инфекција на ниво под контрола.

„Федералниот кабинет се среќава во согласност со сите правила за хигиена и дистанца, што има за цел да обезбеди членовите да не мора да одат во карантин ако некој од нив подоцна има позитивен тест“, изјави портпаролот на владата.

Состојбата на инфекција со ковид-19 во Германија е пониска отколку во поголемиот дел од Европа, но се забрзува последните денови, со рекорден број од 7.830 заразени во саботата, според институтот Роберт Кох.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.