Швајцарската влада соопшти дека повеќе нема да прима бегалци од Италија и Грција во рамките на програмата на Европската унија за распределба на мигранти.
Од швајцарскиот миграциски секретаријат (СЕМ) рекоа дека владата на Швајцарија нема изработено план за примање на мигранти во догледно време.
Весникот “SonntagsBlick” вели дека швајцарската влада објавила пред три години дека ќе прими 1.500 имигранти од Италија и Грција во рамките на планот на ЕУ за распределба.
Овој швајцарски владин план беше имплементиран и со тоа беа 902 имигранти од Италија и 579 од Грција згрижени.
Членот на Европската комисија задолжен за миграциони прашања, Димитрис Аврамопулос, побара од швајцарската влада кон крајот на минатата година да згрижи дополнителен број мигранти во рамките на нивниот капацитет. Швајцарската влада го одби барањето врз основа на тоа дека ги задоволила критериумите за планот за распределба.
Италија и Грција се земји на надворешните граници на Европската унија и како такви беа првите што ги погоди мигрантската криза во 2015 година. Европската унија усвои план за распределба на мигранти со задолжителни квоти, со цел членките да покажат солидарност и да го споделат товарот на оваа криза. Планот наиде на жестоко противење од Унгарија, Словачка, Чешка и Романија.
Според многу објави по социјалните мрежи во Македонија почнаа веќе да се градат прифатни центри , но министерката Царовска ги демантираше овие шпекулации и порача да не се наседнува на лагите на опозицијата. Сепак се поставува прашањето ако една Швајцарија која што е една од најјаките економски земји во Светот , во последните години примила само 1500 мигранти и најави дека со тоа ги исполнила обврските, која е тогаш смислата една Македонија која економски е со светлосни години оддалечена од Швајцарија треба да прима десетици илјади мигранти?
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.