Американскиот претседател Доналд Трамп беше префрлен во воената болница Валтер Рид во Мериленд во петокот вечерта, бидејќи, откако беше потврдено дека е позитивен на вирусот корона, тој започна да ги покажува првите симптоми, како што се малку покачена температура и кашлица.

Апартманот е специјално опремен со безбедносен систем и опрема за комуникација, рекол адмиралот Кони Мариано, кој бил личен лекар на претседателите Џорџ Буш и Бил Клинтон и директор на медицинското одделение во Белата куќа.

Медиумите објавија дека 70-годишниот Трамп е седми претседател на САД по Првата Светска војна кој има сериозни здравствени проблеми!

Непосредно пред заминувањето, тој преку видео снимка и се обрати на нацијата.

Сакам да ви се заблагодарам на сите за фантастичната поддршка. Одам во болницата Волтер Рид. Мислам дека сум многу добро, но одиме да се уверам за сѐ да излезе во ред. И првата дама е добро. Ви благодарам, го ценам тоа и никогаш нема да го заборавам. Ви благодарам, изјави Доналд Трамп., претседател на САД.

Во изјавата на лекарот од Белата куќа е наведено дека Трамп започнал да го зема лекот ремдесивир, пренесува Ројтерс.

Тој додава дека не му е потребна поддршка за кислород. Белата куќа претходно објави дека Трамп, како претпазливост и по препорака на лекари и медицински експерти, ќе работи од претседателската канцеларија во болницата во следните неколку дена.

Портпаролката на Белата куќа, Кејли Мекнени изјави дека американскиот претседател ќе се лекува во воената болница Валтер Рид во Бетесда, Мериленд, во следните неколку дена како претпазливост.

„Претседателот Трамп е добро расположен, има благи симптоми и работи цел ден денес“, рече Мекени, цитиран од Ројтерс.

Сепак, поради претпазливост и по препорака на лекари и здравствени експерти, претседателот ќе работи од претседателската канцеларија во Валтер Рид во следните неколку дена, се вели во соопштението на Белата куќа.