Со помош на одделни членови на црквата од Триенген во Швајцарија како и спортското друштво МАКЕДОНИЈА од ШВАЈЦАРИЈА кое донираше дури 1000 Франци, македонскиот активист, Васко Белески се погрижи, наскоро до болниците во Македонија да стигнат 3000 маски од типот KN95, кои во моментов се скоро недостапни.

Запрашан за тоа што најмногу го мотивира, да организира една ваква хумана донација, тој вели дека  љубовта кон македонскиот народ и земја се безгранични и дека со оваа организација сака да ги мотивира и поттикне нашинците кои се низ светот да започнат една ваква хумана акција, која несебично ќе помогне во вакви моменти кога целиот свет се бори со пандемијата корона вирус, но секако и македонските познати лица , како музичари, спортисти и други.

Пред само една недела им беше доставена медицинска облека на една Охридска Болница бидејки нажалост во спротивност од оан што го тврди власта, тие работат во минимални услови и се снаогаат кој како што знае.

Но ова е само почеток вели Белески, и ги повикува сите добри луѓе да донираат колку што им дозволуваат нивните средства.

Почитувани,

Светот а со тоа и Македонија се соочува со пандемијата од вирусот КОВИД 19 или наречена КОРОНА.

Нажалост Македонските доктори и медицинскиот персонал не се добро опремени и под итно им се потребни заштитни маски од типот KN95 FFP3 кои се едни од единствените кои заштитуваат од овој опасен вирус, како и заштитна стерилна облека.

Многу е важно да ги заштитиме прво нашите ДОКТОРИ и целиот медицински персонал за тие после да можат да ги лекуваат инфицираните пациенти. Без здрави Доктори и медицински персонал ќе ја изгубиме битката уште пред време!!!

За таа цел ја стартуваме оваа кампања за набавка на овој вид на заштитни маски а по потреба ќе бидат набавени и други потребни заштитни средства или инструменти, НО во овој момент е ова приоритет.

Се очекува бранот на заразата во Македонија да дојде токму кон средина на Април 2020, ако собереме доволно средства втората транша на маски, визири или заштитна облека може да се набави во рок од 8 дена од Кина.

Ситуацијата е алармантна и ВЕ МОЛАМ драги пријатели да помогнеме сите заедно, да ги заштитиме нашите доктори и медицински персонал -БИДЕТЕ СОЛИДАРНИ

Кампањата е транспарента и сите дарители на крај ќе добијат признаница.

Со почит Васко Белески

АКО СТЕ ВО МОЖНОСТ ДОНИРАЈТЕ НА ОВОЈ ЛИНК