Македонскиот оперски пејач, Игор Дурловски на својот Фејсбук профил посвети статус за убиените момчиња кај Смилковското Езеро, имено тој потсети дека токму на тој ден требаше да се одржат избори, но доколку се беше нормално.

Статусот го пренесуваме во целост…

12 април 2020 Цветници

Ден на кој монструозно, ладнокрвно се убиени нашите четири деца и еден средовечен во Смилковци, на најголемиот христијански празник.

Ден на кој требаше да се одржат избори, ако околностите беа нормални.

Светот се соочува со пандемијата но и со економските импликации кои неминовно ќе го загрозат начинот на живот и економската состојба на луѓето.

Ќе се соочиме со најголема задолженост на државата од нејзиното постоење. Сериозноста на ситуацијата е поголема од било која влада, политичка партија или нечија суета а состојбата во која се наоѓаме можеби немаше да биде толку драматична ако владата работеше државнички наместо да не заслепува со ,,блескање” и дневно политички маневри на купување на гласот на граѓаните.

Беа фокусирани на креирање на буџет за избори, наместо буџет насочен кон развој.
Господа од власта, преслушајте ги уште еднаш предлозите на Христијан Мицкоски, надминете ги суетите и почнете да работите за доброто на граѓаните.

Вашите пари ќе станат безвредни ако станеме сведоци на тотален економски колапс, а вие токму натаму не водите.
Но, да знаете дека нема да ви биде простено.

Нема ни за вашите предавства, ни за невините по затвори, ни за виновните на слобода, ни за вашето незнаење, ни за грабежот на парите и надежта на младите, ниту за недржавничките политики а најмалку за корупцијата и распродажбата на националните интереси и понижувањето на македонскиот народ.