Вчера попладнето во селото Ресулај, во близина на албанскиот град Валона, 24-годишник убил осум свои роднини, а ранил шестмина, јавуваат тамошните медиуми

Масакрот наводно настанал поради нерасчистени проблеми околу имот. Информациите се дека осомничениот Ридван Зукај влегол во куќата на своите баба и дедо вооружен со калашников и ги застрелал.

Заедно со нив убил уште две други лица од семејството на чичко му. Потоа заминал во куќата на другиот чичко, која била само 30-тина метри подалеку. Таму ги убил чичко му, неговата сопруга и две деца, од кои едното на 16, а другото на 8 години.

Шестмина други лица се ранети, а осомничениот е во бегство.

Информациите се дека Зукај бил корисник на дрога.