Новак Ѓоковиќ, најдобриот тенисер на светот, купи 80 отсто од данската биотехнолошка компанија KvantBioRes.

Тоа е компанија која развива медицински третман за Ковид-19, изјави извршниот директор на таа компанија за Ројтерс. 

Директорот на компанијата Иван Лончаревиќ рече дека инвестицијата е реализирана во јули 2020 година, но одби да каже колкава била нејзината вредност, пишува Ројтерс. Квантбиорес вработува 11 научници во Данска, Австралија и Словенија, а примарната цел ѝ е да развие лек за ковид, а не вакцина, рече Лончаревиќ.

Компанијата развива пептид што спречува коронавирусот да ги заразува човечките клетки и очекува клиничкото тестирање да почне во Велика Британија ова лето, рече Лончаревиќ.