Рашковски е обвиниет за злоупотреби со набавка на софтвер за сообраќајни прекршоци, а во феверуари му беше укинат прво затворскиот, потоа и домашниот притвор

На денешното судско рочиште во случајот „Софтвери“, првообвинитетиот и поранешен генерален секретар на Владата, Драги Рашковски, побарал да му биде вратен пасошот, откако претходно му беше укината мерката притвор, објавија повеќе медиуми.

За време на денешното рочиште повторно се читале пораки на Вибер кои меѓусебе си ги разменувале осомничените лица во „Софтвери“.

Рашковски е обвиниет за злоупотреби со набавка на софтвер за сообраќајни прекршоци, а во феверуари му беше укинат прво затворскиот, потоа и домашниот притвор, откако Апелација ја прифати гаранцијата од 192 илјади евра.

Според одлуката на Апелација, тој има обврска да се јавува во Кривичниот суд секој работен прв понеделник во месецот во 10 часот, а во исто време му беше одземена и патната исправа.